Хоккейден Қазақстан құрамасы Харбиндегі қысқы Азия ойындарында топтық кезеңдегі алғашқы матчын өткізді.
Олега Болякин шәкірттеріне Таиланд құрамасы алғашқы қарсылас атанды. Бірінші кезеңде тайлықтардың қақпасына төрт шайба дарыды. Нәтижелі соққымен Вячеслав Колесников, Роман Старченко, Руслан Оспанов және Иван Степаненко ерекшеленді. Ал екінші кезеңде Әділ Бекетаев пен Әлихан Өмірбеков Қазақстанның басымдығын еселей түсті. Соңғы жиырмаминуттықта Евгений Рымарев, Андрей Буяльский және Темірлан Гайтамиров бір шайбадан соқса, Артем Лихотников пен Бекетаев дубль жасады.
Қазақстан құрамасына 5 ақпанда Қытай қарсылас атанады. Матч Астана уақыты бойынша сағат 17:00-де басталады.
Азиада-2025. Хоккей. Топтық кезең. Таиланд — Қазақстан 0:12 (0:4, 0:2, 0:6).
