Ағымдағы жылдың басынан бері Сыбайлас жемқорлыққа қарсы қызмет өндірісінде спорт саласындағы сыбайлас жемқорлық құқық бұзушылықтарға байланысты 18 қылмыстық іс болды. Бұл туралы Қазақстан Республикасы Сыбайлас жемқорлыққа қарсы іс-қимыл агенттігі хабарлады.
800 млн теңгеден астам залал
2025 жылдың басынан бері спорт саласына қатысты 18 қылмыстық іс қозғалған. Тергеу нәтижесінде:
- Жалған оқу-жаттығу жиындарын ұйымдастыру;
- Жалақы төлеуде айла-шарғы жасау;
- Қымбат тұратын спорттық жабдықтар сатып алулар анықталған.
Жалпы келтірілген залал – 800 млн теңгеден асады.
Атырау облысында экс-басшы мен жаттықтырушы сотталды
2024 жылдың 21 сәуірінде Атырау қаласының №2 соты облыстық спорт басқармасының бұрынғы басшысы Д. Қоспанов пен жаттықтырушы Н. Майлашевті:
- Оқу-жаттығу жиындарына шығуға жәрдемдескені және жаттықтырушылардан 2,4 млн теңге ақша қаражатын заңсыз жинау жолымен лауазымдық өкілеттіктерін теріс пайдаланғаны үшін 1,7 млн теңге сомасында пара алғаны;
- басқарма басшысы КММ-де еңбек қызметін іс жүзінде жүзеге асырмаған адамдарға жалақыны заңсыз есептеу жолымен 1,1 млн теңге сомасында бюджет қаражатын жымқырғаны үшін кінәлі деп тапты.
Қоспанов – 4 жылға, Майлашев – 3 жылға бас бостандығынан айырылды.
Қарағанды мен Алматы облыстарындағы істер
- Қарағанды: «Жастар» олимпиадалық резервінің облыстық мамандырылған балалар-жасөспірімдер мектебінің футболдан басшысы Б. Нұрланов 3 млн теңгеден астам қаржыны жалған жиындар арқылы жымқырған. Ол 2 жылға сотталды.
- Алматы: облыстық дене шынықтыру және спорт басқармасының бұрынғы басшысы 8 млн теңге пара алғаны үшін күдікке ілінді. 24 сәуірде қамауға алынды, тергеу жалғасуда.
Республикалық деңгейдегі тергеулер
- Қазақстан Республикасы Туризм және спорт министрлігі Спорт және дене шынықтыру істері комитетінің «Спортты дамыту дирекциясы» РМҚК директоры мен оның орынбасары 2022-2023 жылдар аралығында 397 млн теңге бюджет қаражатын жымқырған.
- 2021 жылы «Dat Corporation» ЖШС директоры ретінде Батыс Қазақстан облысында футбол мен допты хоккейді дамытуға бөлінген 161 млн теңге көлемінде бюджет қаражатын жымқырған.
Аталған істер сотта қаралуда.
