Грекиялық "Панатинаикос" клубының иесі Димитрис Яннакопулос "Олимпиакосқа" қарсы Адриатика лигасының финалында жанжал туғызып, құқық қорғау органдарының назарына ілікті.
Eurohoops порталының мәліметінше, финалдық серияның екінші кездесуінің басында-ақ Яннакопулос алаңнан қуылған. Бірақ ол ережені бұзып, бірден кетпей қарсылас жанкүйерлерінің балағаттауларына наразы болып, киім ауыстыратын бөлмелер маңында біраз уақыт тұрған.
Прокурор дереу тұтқындауға пәрмен бергенімен Димитрис Яннакопулос тәртіп сақшылары жеткенше аренадан жасырынып шығып үлгерген. Бұл әрекет оны іздеуде жүрген азаматтардың қатарына қосты.
"Олимпиакос" өкілдерінің мәлімдеуінше, Яннакопулос алаңнан қуылар алдында трибунаға ортаңғы саусақ көрсеткен. Әрі "Олимпиакос" иесі Георгос Ангелопулостың қызын қорлап, жыныстық сипаттағы қоқан-лоққы жасаған.
Осы әрекеттерге байланысты оған ресми түрде қылмыстық іс қозғалды.
1 маусым күні өткен матчта "Олимпиакос" өз алаңында "Панатинаикосты" 91:83 есебімен жеңіп, сериядағы есепті теңестірді – 1:1.
