Қазақстандық шахматшылар британ парламенттерімен шеберлік байқасты

Бірегей матч Вестминстер қабырғасында өтті

Ұлыбритания Парламенті алғаш рет шетелдік командамен шахмат матчын қабылдады. Лордтар палатасы мен Вестминстер қызметкерлерінен құралған команда Қазақстан құрамасымен тақтада сайысты. Матч Қазақстанның Ұлыбританиядағы Елшілігінің бастамасымен және Қазақстан шахмат федерациясының қолдауымен ұйымдастырылды.

Бұл – халықаралық дипломатия мен интеллектуал спорттың тоғысқан тұсы. Жоғары саяси деңгейде өткізілген алғашқы шахмат кездесуі ретінде тарихқа енді.

Қазақстан делегациясы: мықты құрам, айқын миссия

Қазақстан шахмат делегациясының құрамында елдің танымал гроссмейстерлері болды:

• Қазыбек Нөгербек
• Әлішер Сүлейменов
• Ксения Балабаева
• Гүлмира Дәулетова
• Дармен Садуақасов

Ұлыбритания атынан матчқа қатысқан беделді тұлғалар қатарында:

• Джейми Нджоку-Гудвин – Риши Сунактың бұрынғы стратегиялық директоры
• Лорд Хэролд Картер
• Лорд Патрик Лоренс
• Лорд Даффид Уигли
• Крис Фиган – парламент қызметкері, Әлішер Сүлейменовке қатаң қарсылық танытқан ойыншы

Матч соңында Қазақстан делегациясы Вестминстер ғимараты бойынша арнайы экскурсияға шақырылды. Шахматшылар еңбек нарығындағы өзгерістер мен жасанды интеллекттің дамуына қатысты жұмыс тобы отырысына қатысты. Бұл – спорт пен қоғам арасындағы өзара байланыстың тағы бір көрінісі.

Лондондағы басты мақсат – FIDE әлем чемпионаты

Қазақстан делегациясының сапары тек Парламент матчымен шектелмейді. Олар 10–16 маусым аралығында Лондонда өтіп жатқан 2025 FIDE World Rapid & Blitz Team Championships турниріне қатысады. Бұл – шахматтың рапид және блиц форматындағы командалық әлем чемпионаты.

KazChess құрамасы:

1. Алдияр Аңсат (2489)
2. Меруерт Қамалиденова (2330)
3. Елназ Қалиахмет (2218)
4. Дармен Даурен (1932)
5. Дармен Садуақасов (2587, рапид)
6. Рихард Раппорт (2714, №27 әлем рейтингінде)
7. Пархам Магсудлу (2691, №38)
8. Андрей Есипенко (2689, №39)
9. Александр Грищук (2667, №57)

Команда капитаны: KazChess атқарушы директоры Гүлмира Дәулетова.