Сингапурда өткен додада Денис Петрашов 100 метрге брасс әдісімен жүзуде үшінші орын иеленді. Бұл – Қырғыз спортындағы бұрын-соңды болмаған жетістік.
Сингапурда өтіп жатқан су спорты түрлерінен әлем чемпионатында Қырғызстан спортшысы Денис Петрашов ел тарихындағы тұңғыш медальді жеңіп алды. Ол 100 метрге брасс әдісімен жүзуде үшінші орынға ие болып, қола жүлдені еншіледі.
Денис Петрашов финалда 58.88 секунд көрсетіп, үшінші орын алды. Айта кетейік, ол бірінші жолақта жүзді. Финалдық кезеңге барлығы 9 спортшы шыққан болатын.
Бұл — Қырғызстан үшін су спорты түрлері бойынша әлем чемпионаттарындағы алғашқы медаль. Денис Петрашов бұл нәтижемен тарихқа енді.
“Бұл – мен үшін ғана емес, бүкіл халқымыз үшін үлкен жетістік. Қырғызстан үшін әлем чемпионатында алғаш рет медаль алу – зор мәртебе. Өте бақыттымын әрі мақтан тұтамын”, – деді Петрашов worldaquatics.com порталына берген сұхбатында.
