Италияда өтіп жатқан Милан – Кортина-д’Ампеццо Олимпиадасында алғашқы үш дүркін Олимпиада чемпионы пайда болды. Швейцариялық тау шаңғышысы Франьо фон Альмен бір Олимпиаданың өзінде үш алтын алды.
11 ақпанда фон Альмен ерлер арасындағы супергигантта топ жарып, мәреге 1:25.32 нәтижесімен жетті. Бұл оның осы Олимпиададағы үшінші алтын медалі болды.
Фон Альмен бұған дейін ОИ-2026 аясында:
жылдам түсу сайысында алтын алған;
сондай-ақ комбинацияда серіктесі Танги Нефпен бірге жеңіске жеткені айтылды.
Супергигантқа дейін фон Альмен алтын саны бойынша норвегиялық шаңғышы Йоханнес Хёсфлот Клебомен тең тұрған. Клебо ОИ-2026-да скиатлон мен спринтте чемпион атанған. Алайда фон Альменнің үшінші алтыны оны жеке дара көшбасшыға шығарды.
Бір Олимпиадада тау шаңғысынан үш алтын алған соңғы спортшы ретінде франциялық Жан-Клод Килли аталады. Ол мұны 1968 жылы жасаған. Фон Альмен осы жетістікті қайталап, элиталық қатарға қосылды.
