Дана Уайт басқаратын Power Slap промоушенінде өнер көрсететін Закир Найманбаевтың айтуынша, америкалық блогер әрі боксшы Джейк Пол оның пікіріне жауап қатпай, "үнсіз қалған".
Закир Найманбаев Джейк Полдың өзіне қатысты айтқан сөздеріне реакция білдіріп, америкалық жұлдыздың жауап бермеуін жеке жағдайлармен байланыстырды.
Найманбаевтың сөзінше, ол уақыт жоғалтпай, алдағы жоспарға көңіл бөліп отыр. Спортшыны қайтадан АҚШ-қа шақырып, рейтингтегі жоғары орынға таласатын қарсыласпен жұдырықтасуға мүмкіндік берілген.
Қазақстандық атлеттің айтуынша, оған Power Slap рейтингінде төртінші тұрған Уэс Менаға қарсы шығу ұсынылған.
Найманбаев мұны маңызды мүмкіндік деп бағалап, жеңіс оған жаңа деңгейге көтеріліп, чемпиондық белбеуге жақындай түсуге жол ашатынын жеткізді.
Еске салайық, бұған дейін Джейк Пол Закир Найманбаевтың бабында емес екенін айтып қалған. Бұған жауап ретінде қазақстандық спортшы америкалық блогер-боксшыны ашық түрде жекпе-жекке шақырған еді. Бірақ Джейк Пол тарапынан нақты жауап жоқ.
