Норвегиялық шаңғышы Йоханнес Клебо Олимпиада-2026 ойындарында тағы да жеңіс тұғырының ең биік сатысына көтерілді. Бұл жол командалық спринтте алтын медаль алып, қысқы Олимпиадалар тарихында бұрын-соңды болмаған көрсеткішті бағындырды.
Бүгін ерлер мен әйелдер командалық спринттің еркін стильдегі жүлделерін сарапқа салды. Әр ел атынан екі спортшыдан өнер көрсетті.
Ерлер бәсекесінде Клебо Эйнар Хедегартпен бірге чемпион атанды. Хедегарт үшін бұл — Олимпиададағы екінші алтын.
Қазір 29 жастағы Клебо Италияда өткен бес жарыстың бесеуінде де алтын алып отыр. Алда оны әлі 50 шақырымдық масс-старт күтіп тұр.
Осы нәтижемен норвегиялық спортшы қысқы Олимпиадалардағы алтын медаль саны бойынша өз рекордын жаңартып, жалпы санын 10-ға жеткізді. Жазғы Олимпиада ойындары тарихында одан көп жеңісі бар спортшы ретінде тек америкалық жүзгіш Майкл Фелпс (23 алтын) алда келеді.
Әйелдер арасындағы командалық спринтте Швеция құрамасы топ жарды. Чемпион атанған жұп — Йонна Сундлинг пен Майя Дальквист.
Айта кетейік, Қазақстанның шаңғышылары ерлер және әйелдер командалық спринтінде де іріктеуден өте алмады.
