Қазақстандық таеквондошылар Пәкістанда екі жүлде жеңіп алды

Қазақстан құрамасының таеквондошылары Пәкістанның Лахор қаласында өтіп жатқан WT President’s Cup халықаралық турнирінде екі жүлдеге қол жеткізді.

Қазақстан атынан сынға түскен Нұрай Бауыржанова мен Рита Бакишева қола медаль иеленді. Екі спортшы да 49 келіге дейінгі салмақ дәрежесінде үздіктер қатарына енді.

Бауыржанова мен Бакишева үшін алғашқы жүлде емес

Бұл екі қазақстандық таеквондошының 2026 жылғы алғашқы халықаралық жетістігі емес.

Маусым айында Астанада өткен Kazakhstan Open-2026 турнирінде Нұрай Бауыржанова 49 келіге дейінгі салмақта күміс медаль жеңіп алған. Ал Рита Бакишева осы салмақта қола жүлдегер атанды. 

Сол жарыстың жартылай финалында Бауыржанова мен Бакишева бір-біріне қарсы шығып, Нұрай финалға жолдама алған болатын. 

Айта кетейік, WT President’s Cup турнирі G3 рейтингтік санатына жатады. Керуги бойынша жарыстар 18-20 тамыз аралығында өтеді. Сонымен қатар турнир бағдарламасына пумсэ мен паратхэквондо бәсекелері де енгізілген.