Махамбет Серікқалиев Азия Пара ойындарында жүлде алды
Отандасымыз сонымен қатар, рекордын жаңартты.
Қазақстандық паражеңіл атлет Махамбет Серікқалиев Жапонияда өтіп жатқан V Азия Пара ойындарында қола жүлдегер атанды.
Ол ядро лақтырудан F53 санатында өнер көрсетіп, 6,81 метр нәтиже көрсетті. Бұл көрсеткіш Серікқалиевке үздік үштікке еніп қана қоймай, өзінің жеке рекордын жаңартуға мүмкіндік берді.
Серікқалиев үздік үштікке енді
Жарыста алтын медаль Үндістан өкілі А. Вермаға бұйырды. Ол ядроны 8,16 метрге лақтырды.
Күміс жүлдені Иран спортшысы А. Хемами иеленді. Оның нәтижесі – 8,09 метр.
Қазақстандық Махамбет Серікқалиев 6,81 метрлік көрсеткішпен үшінші орынға тұрақтады. Бұл нәтиже қазақстандық спортшының жеке жетістігі болды.
Серікқалиев Нагоядағы жарыста өзінің үздік көрсеткішін жаңартып, Азия Пара ойындарының қола медалін жеңіп алды.