Облыстық дзюдо федерациясының басшысы спортшыға сәйгүлік сыйлады.
Париж Олимпиадасында дзюдодан қола жүлде иеленген Ғұсман Қырғызбаев кезекті рет көлік сыйға тартылды. Бұл жолы мұндай сыйлықты спортшының ауылдастары жасады. Ал облыстық дзюдо федерациясының президенті ат мінгізді.
Естеріңізге сала кетейік, Париж Олимпидасынан кейін демеушілер Ғұсманға Toyota Land Cruiser 250 автосының кілтін табыстаған болатын. Кейін Алматы әкімі мен белгілі олигарх Кеңес Рақышев та спортшыға көлік мінгізді.
