Футзалдан УЕФА Чемпиондар лигасының негізгі кезеңінде Абай облысының «Семей» және алматылық «Қайрат» өзара кездескен болатын.
Футзалдан УЕФА Чемпиондар лигасының негізгі кезеңінде Абай облысының «Семей» және алматылық «Қайрат» өзара мықтыны анықтады. Ойын барысында командалар бір-біріне лайықты қарсылық көрсетті.
Матчтың 13-ші минутында «Семей» сапынан Ақжол Дәрібай есеп ашса, алматылық клубтан Эдсон Сантос 18-ші минутта таразы басын теңестірді. Ал 23-ші минутта Эдсон Сантостың берген пасынан кейін әріптесі Денер гол соғып, командасын алға шығарды. Одан кейін Невес де Лима 36, Кевин Арриета 38, Лукас Отанья 38-ші минутта мергендік танытты. Осылайша «Қайрат» қарсыласын 5:1 есебімен тізе бүктірді.
Естеріңізде болса, алғашқы турда «Семей» «Спортинг Лиссабонға» 4:6 есебімен есе жіберсе, «Қайрат» «Халадаштан» 4:0 есебімен басым түсті.
Енді 25 қазанда 17:00-де «Семей» мен «Халадаш», 20:00-де «Қайрат» пен «Спортинг Лиссабон» кездеседі.
Кайрат
Астана
Ордабасы
Актобе
Елимай
Тобол
Атырау
Кайсар
Жетысу
Женис
Кызылжар
Туран
Шахтёр
-
