Чемпиондар лигасы: «Қайрат» пен «Семейдің» қарсыластары белгілі болды

Футзалдан Чемпиондар лигасының элиталық кезеңінің жеребесі өтті. Аталған турнирде өнер көрсететін қазақстандық екі клубтың қарсыластары анықталды. 

«Қайрат» B тобында «Олмиссум» (Хорватия), «Этуаль» (Франция) және «Динамо» (Загреб) командаларымен ойнайды. Кездесулер 26 қараша мен 1 желтоқсан аралығында Хорватияның Загреб қаласында өтеді.

Ал «Семей» D тобына түсті. Соған байланысты клуб «Пальма» (Испания), «Рекорд» (Польша) және «Лученец» (Словакия) командаларымен кездеседі. Топтағы матчтар дәл сол күндері Испанияның Пальма-де-Майорка қаласында өтеді.