Дүбірлі дода Канаданың Ванкувер қаласында өтті.
Канаданың Ванкувер қаласында семсерлесуден дүниежүзілік дода өтті. Қазақстандық жігіттер командалық сында өте сәтті өнер көрсетті.
Руслан Құрбанов, Эльмир Әлімжанов, Вадим Шарлаимов және Ерлік Сертай төрттігі алғашқы айналымда Гонконг командасын ұтты. Ал ширек финалда Италия құрамасынан басым түсті. Бірақ жартылай финалда жапон жігіттеріне есе жіберді. Сөйтіп қола жүлдеге таласуға мүмкіндік алып, Франция командасымен шеберлік байқасты. Нәтижесінде 35:34 есебімен жеңіске жетті.
Айта кетейік, қазір біздің жігіттер әлемдік рейтингте үздік бестік қатарында.
