2025 жылы 13-23 қаңтар аралығында Туринде XXXII Дүниежүзілік қысқы универсиада өтеді.
Әлемнің 57 елінен 2000-ға жуық спортшы қатысатын ірі студенттік бәсекеде 11 спорт түрінен 96 медаль жиынтығы сарапқа салынады. Биыл алғаш рет екі жаңа спорт түрі енгізілген: пара тау шаңғысы және пара шаңғы жарыстары.
Универсиадада Қазақстан намысын 103 спортшы қорғамақ, олар ұлттық және жастар құрамаларының мүшелері. Қатысушыларды биыл Оқу-ағарту министрлігі "Ұлттық ғылыми-практикалық дене шынықтыру орталығы" РМҚК іріктеген.
FISU ережелеріне сәйкес, барлық қатысушы 1 қаңтардағы жағдай бойынша кемінде 17 жаста болуы және 25 жастан аспауы керек. Сонымен қатар олар өздері намысын қорғайтын елдің азаматы болып, жоғары оқу орнында білім алуы шарт.
Айта кетейік, Қазақстан құрамасы өз тарихында ең жоғары нәтижені 2017 жылы Алматыдағы Универсиадада көрсетті. Медаль саны бойынша екінші орынға ие болды. Сол кезде қазақстандық спортшылар 36 медаль (11 алтын, 8 күміс және 17 қола) жеңіп алды.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
