Никола Йокичтің қолынан бәрі келеді.
Ұлттық баскетбол қауымдастығының тұрақты чемпионатының "Денвер Наггетс" — "Сакраменто Кингз" матчында паркет иелерінің бойшаң ойыншысы Никола Йокич үшінші ширектің ең соңғы секундында допты себетке дәл лақтырды.
"Наггетс" 132:123 есебімен жеңіске жетті.
29 жастағы сербиялық ойыншы ҰБҚ-да үш мәрте ең бағалы ойыншысы болды. 2023 жылы қауымдастықтың чемпионы атанды. Париж Олимпиадасында ұлттық құрамасының “күміске” қол созуына сүбелі үлес қосты.
