Германияның Котбус қаласында спорттық гимнастикадан Әлем кубогының кезеңі басталды.
Қазақстандық гимнаст Милад Карими еркін жаттығулар бойынша іріктеу кезеңінен сәтті өтіп, финалға шықты, деп мәлімдеді ҚР Ұлттық Олимпиада комитетінің баспасөз қызметі.
Карими 13,700 ұпай жинап, екінші орынмен финалға өтті.
Іріктеу кезеңінде ең жоғары нәтижені Италия спортшысы Никколо Вануччи көрсетті – 13,833 ұпай.
Әлем кубогының іріктеу кезеңі әлі аяқталған жоқ. Алдағы жарыстарда Қазақстан құрамасының басқа өкілдері де өз мүмкіндіктерін көрсетеді.
Еске сала кетейік, Милад Карими 2023 жылғы әлем чемпионатында еркін жаттығулар бойынша қола жүлдегер атанған болатын.
