Күштік құрылым қызметкерлері бір баланы соққыға жыққан.
Краснодар қаласында «Молодые орлы» балалар жекпе-жек клубына қаруланған арнайы жасақ өкілдері басып кіріп, бір баланы соққыға жыққан. Таспаға жазылған видеоны 93.ru және Baza таратты.
Оқиға 13 ақпанда болған. Клубта 10-17 жас аралығындағы балалар жаттығып жатқан. Қару-жарақпен, маскамен және бронежилетпен келген күштік құрылым қызметкерлері балалар мен олардың ата-аналарын бетімен жерге жатқызған.
Baza мәліметінше, күштік құрылымдар «заңсыз мигранттарды» іздеген, бірақ ешкімді таппаған. Краснодар полициясы бұл оқиғаны «спорттық ұйымдарды профилактикалық тексеру шарасы» деп атады.
Тексеруді МВД-ның экстремизмге қарсы күрес орталығы, МЧС, Роспотребнадзор, салық қызметі және әскери комиссариат бірлесіп жүргізген. Нәтижесінде кассалық аппараттың жоқтығы, санитарлық және өрт қауіпсіздігі ережелерінің бұзылғаны анықталған.
Краснодар прокуратурасы бұл оқиға туралы ештеңе білмейтінін мәлімдеді. Арнайы жасақтың (ОМОН, СОБР немесе ФСБ) қатысуына қатысты полиция түсініктеме берген жоқ.
Ата-аналар қазір Тергеу комитетіне шағым дайындап жатыр.
