Оразада қалай жаттығу керек? Кәсіпқой боксшы сырын бөлісті

Жартылай ауыр салмақ дәрежесі бойынша бұрынғы абсолютті әлем чемпионы Артур Бетербиев қасиетті Рамазан айында тиімді жаттығу өткізудің қыр-сырымен бөлісті. 

Боксшы әлеуметтік желідегі парақшасында Рамазан айының тек рухани емес, физикалық тұрғыдан да маңызды кезең екенін атап өтті.

"Рамазан айы — бұл үлкен физикалық және рухани сынақ. Көбі Ораза кезінде де спорттан айналысуды тоқтатпайды. Керісінше, кейбіреулер мінез бен ерік-жігерді тексерудің қосымша мүмкіндігі ретінде қарайды. Сондықтан осы айда жаттығу жайлы жиі қойылатын сұрақтарға жауап беріп, өз тәжірибеммен бөлісуді жөн көрдім", — деп жазды Бетербиев.

Ол жазбасына жаттығу үдерісіне қатысты түсіндірмелер мен фотосуреттерді де қоса жариялаған.