Анна Данилина Мадридте өтіп жатқан WTA 1000 сериялы турнирінде жарқын жеңіспен ерекшеленді.
Қазақстандық Анна Данилина мен ресейлік серіктесі Ирина Хромачева жұптық сайыста турнирді сәтті бастады. Бірінші айналымда олар испаниялық Кристина Буча мен жапониялық Сюко Аоямамен кездесті. Қос теннисші күрделі матчта үш сет ойнап, 5:7, 7:5, 12:10 есебімен жеңіске жетті. Тартысты ойын екі сағатқа созылды.
Жеңісті нәтижеден кейін Данилина мен Хромачева турнирдің 1/8 финалына жолдама алды. Енді олар чехиялық Линда Носкова мен даниялық Клара Таусон жұбына қарсы ойнайды.
Айта кету керек, Анна Данилина қазіргі таңда әйелдер арасындағы жұптық рейтингте Қазақстанның бірінші ракеткасы саналады. Ол әлемдік рейтингте 17-орында тұр.
