Қазақстанның бірінші ракеткасы Елена Рыбакина Мадридтегі супертурнирден шығып қалды.
Рыбакина WTA 1000 санатындағы жарыстың үшінші айналымында украиналық Элина Свитолинамен кездесті. Қазақстандық теннисші 3:6, 4:6 есебімен ұтылды.
Бұл теннисшілер арасындағы алтыншы жеке кездесу болды. Енді олардың өзара есептері 3:3 нәтижесіне теңесті.
Еске салайық, Рыбакина үшін ең ауыр жеңілістердің бірі дәл осы Элина Свитолинаға қарсы өткен. 2020 жылғы Токио Олимпиадасының "қола" медалі үшін өткен матчта Рыбакина алғашқы сетте 6:1 есебімен жеңгенімен, кейінгі екі сетте 6:7, 4:6 нәтижесімен қарсыласына есе жіберген еді.
