Қазақстандық теннисші Хорватиядағы турнирдің екінші айналымына шықты

Хорватиялық қарсыласын екі сетте ұтты

Турнирдің алғашқы кезеңінде Попко жергілікті спортшы Матей Додигпен кортқа шықты. Қарсыласына еш мүмкіндік бермеген қазақстандық теннисші матчты 6:4, 6:4 есебімен өз пайдасына аяқтады.

Кездесу жалпы 1 сағат 58 минутқа созылды.

Бұрынғы нәтижелер – тең

Айта кетейік, бұған дейін қос теннисші екі рет кездесіп, бір мәртеден ұтқан. Осылайша, Дмитрий бүгінгі жеңісі арқылы жеке есепте алға шықты – 2:1.

Келесі қарсылас – Фатич немесе Поличак

Енді екінші айналымда Дмитрий Попко Босния және Герцеговина өкілі Нермин Фатич пен хорватиялық Мати Поличак арасындағы жеңімпазбен кездеседі.