Қазақстандық теннисші Александр Бублик биылғы маусымдағы алғашқы жүлдені қанжығасына байлады. Ол Туриндегі беделді Challenger турнирінің чемпионы атанды.
Әлемнің 76-ракеткасы саналатын Бублик шешуші матчта қытайлық Бу Юнчаокетемен (АТР рейтингінде 73-орында) жолықты. Бұл қос спортшының өзара алғашқы кездесуі болды.
Матч 1 сағат 14 минутқа созылды. Біздің теннисші өз геймінде екі рет ұтылғанымен, қарсыласының бес брейкін қайтарып, 6:3, 6:3 есебімен сенімді жеңіске жетті.
Бұл — Бубликтің 2025 жылғы алғашқы титулы. Ол бұған дейін наурызда АҚШ-тың Финикс қаласында өткен Challenger турнирінің финалына шыққан. Бірақ португалиялық Жуау Фонсекеге жол берді.
Бұл жеңістің тарихи мәні де бар. Александр Бублик Қазақстан құрамасы атынан алғаш рет топырақта (грунт) чемпион атанып отыр. Бұған дейін ол тек 2016 жылы Ресей туы астында “Фьючерс” деңгейіндегі жарысты ұтқан.
