Қазақстандық теннисші Анна Данилина Франция ашық чемпионатының жартылай финалына жолдама алды. Бұл жетістікке ол жұптық разрядтағы ойын нәтижесінде қол жеткізді.
Анна сербиялық серіктесі Александра Круничпен бірге Катерина Синякова (Чехия) мен Тэйлор Таунсенд (АҚШ) дуэтін үш сетте жеңіп кетті. Есеп: 7:5, 4:6, 6:2
Айта кетейік, Синякова мен Таунсенд – осы турнирдің қорғаушы чемпиондары болатын.
Жартылай финалда Данилина мен Крунич Улрикке Эйкери (Норвегия) /Эри Ходзуми (Жапония) дуэтімен кездеседі. Бұл жұп ширек финалда Ирина Бегу (Румыния) мен Янина Викмайерден (Бельгия) 6:4, 6:3 есебімен басым түскен.
