Александр Бублик (ATP рейтингінде 45-орында) Германияның Галле қаласында өтіп жатқан беделді ATP 500 турнирінде финалға жолдама алды. Бұл оның қатарынан үшінші мәрте жоғары рейтингтегі қарсыласын жеңуі.
Бублик ресейлік Карен Хачановпен (ATP №21) кортқа шықты. Қарсылас бірінші сетте үстемдік танытқанымен Александр ойын барысында өз бабына келіп, матчты үш сетте жеңіп кетті: 6:4, 6:7, 4:6
Жанкүйерлер үшін бұл кездесудің шешуші сәті екінші сеттегі тай-брейк болды. Онда Бублик мықтылық танытып, ойын тізгінін өз қолына алды.
Александр Бублик бұл турнирде бірнеше ірі сенсацияның авторы атанды. Бұған дейін ол:
Әлемнің бірінші ракеткасы Янник Синнерді (Италия), Чехияның болашағынан зор үміт күттіретін теннисшісі Томаш Махачты (ATP №23) жарыс жолынан шығарды.
Бұл нәтижелер оның финалға шығуына жол ашты әрі халықаралық БАҚ назарын өзіне аударды.
"Мен өз ойынымды таптым. Галледе маған бәрі үйлесіп тұр — корт, атмосфера, жанкүйерлер. Әр матчта жеңіске деген аштық бар", — деді Бублик матчтан кейінгі сұхбатында.
Финалда Александр Бубликке тағы бір ресейлік теннисші — Даниил Медведев (ATP №11) қарсылас болады. Бұл кездесу теннис жанкүйерлері үшін шынайы шоу болатыны анық.
