Бұл тек бастамасы ма? Қазақстандық теннисші ТОП-30 қатарында

Қазақстанның бірінші ракеткасы Александр Бублик Германияның Галле қаласында өткен ATP 500 деңгейіндегі Terra Wortmann Open турнирінде сенсациялық жеңіске қол жеткізіп, әлемдік рейтингте бірден 15 сатыға көтерілді. Енді ол ресми түрде әлемнің 30-ракеткасы атанды.

Финал қалай өтті?

Турнирдің финалында Бублик әлемнің 11-ракеткасы Даниил Медведевпен жолықты. Жекпе-жек 1 сағат 23 минутқа созылып, Александр Бублик 2:0 есебімен (6:3, 7:6) жеңіске жетті.

Рейтингтегі жағдай:

• 27-орын – Феликс Оже-Альяссим (Канада) — 1 775 ұпай
• 28-орын – Алехандро Давидович Фокина (Испания) — 1 770 ұпай
• 29-орын – Денис Шаповалов (Канада) — 1 676 ұпай
• 30-орын – Александр Бублик (Қазақстан) — 1 675 ұпай (+15 орын)
• 31-орын – Себастьян Корда (АҚШ) — 1 655 ұпай (–5 орын)
• 32-орын – Брэндон Накашима (АҚШ) — 1 650 ұпай
• 33-орын – Алекс Микельсен (АҚШ) — 1 620 ұпай

Айта кетейік, Александр Бублик бұл титулды өз мансабында екінші рет жеңіп алды. Ол алғаш рет осы турнирде 2023 жылы жеңіске жеткен. Ол кезде финалда әлемнің 14-ракеткасы Андрей Рублевпен кездесіп, 2:1 есебімен (6:3, 3:6, 6:3) басым түскен.