Жұптық сайыс нәтижесінде екі сетте де қазақстандық теннисшы есе жіберді.
Қазақстандық теннисші Анна Данилина Қытайдың Бейжің қаласында өтіп жатқан WTA 1000 санатындағы ірі турнирдің жартылай финалына шыға алмады.
Жұптық сынның ширек финалында Данилина сербиялық Александра Круничпен бірге аустралиялық Присцилла Хон мен чехиялық Каролина Муховаға қарсы ойнады.
Қарсылас жұп екі сет қорытындысы бойынша жеңіске жетті. Есеп: 7:6, 6:3.
Анна Данилина — Қазақстанның кәсіби теннисшісі, жұптық сында жоғары нәтижелерге жеткен спортшы. Ол бірнеше мәрте WTA турнирлерінде жеңімпаз атанған. 2022 жылы Австралия ашық чемпионатының финалына шығып, үлкен табысқа жетті. 2023 жылы АҚШ-та өткен US Open турнирінде микст санатында чемпион болды. 2025 жылы Ролан Гаррос турнирінде жұптық сында финалға дейін жетіп, тағы бір тарихи жетістікке қол жеткізді. Сонымен қатар, Данилина WTA 1000 деңгейіндегі беделді жарыстарда және бірнеше WTA 250 турнирлерінде жеңіс тұғырынан көрінді.
