Юлия Путинцева Аделаидада сенсация жасады
Қазақстандық теннисші Юлия Путинцева (WTA рейтингінде 74-орын) Австралияның Аделаида қаласында өтіп жатқан турнирдің іріктеу кезеңінде күтпеген нәтиже көрсетті.
wtatennis.com
Негізгі турнирдің жолдамасы
Ол шешуші квалификация финалында чехиялық Мария Боузкованы (WTA 46-орын) ұтып, негізгі жарыс кестесіне жолдама алды.
Іріктеудің финалында Путинцева қарсыласын екі сетте тізе бүктірді — 6:4, 7:6. Кездесу 2 сағат 20 минутқа созылды. Айта кетейік, бұл жұптағы фаворит ретінде Боузкова қарастырылған.
Келесі қарсыласы кім?
Путинцева негізгі сеткадағы алғашқы ойында венгриялық теннисші Далма Галфимен (WTA 94-орын) кездеседі.
Аделаидадағы жарыстың жалпы жүлде қоры — 1 206 446 доллар. Турнир чемпионы 185 500 доллар сыйақы алып, сонымен бірге 500 рейтингтік ұпайға ие болады.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet