Жұптық сында өнер көрсететін еліміздің бірінші ракеткасы Анна Данилина ширек финалда жеңіске жетті. Қорытынды есеп үш партия нәтижесінде шешілді.
Жұптық разрядтағы Қазақстанның үздік теннисшісі Анна Данилина Австралияның ашық чемпионатының ширек финалында өнер көрсетті.
Қазақстандық теннисші сербиялық спортшы Александра Круничпен бірге турнирдің алғашқы нөмірлі сеяндылары — чехиялық Катерина Синякова мен америкалық Тейлор Таунсендті сенсациялық түрде жеңді. Кездесу үш партияға созылып, 6:2, 3:6, 6:0 есебімен аяқталды. Матч 1 сағат 40 минутқа жалғасты.
Осылайша, Данилина мен Крунич жарыстың жартылай финалына жолдама алды. Бұл кезеңде олардың қарсыластары Шувэй Се (Тайвань)/Елена Остапенко (Латвия) — Габриэла Дабровски (Канада)/Луиза Стефани (Бразилия) жұбы арасындағы матчтың жеңімпаздары болады.
Еске салайық, бұған дейін әйелдер арасындағы жекелей сында Қазақстан намысын қорғап жүрген Елена Рыбакина польшалық Ига Швентекті 7:5, 6:1 есебімен жеңіп, Australian Open–2026 турнирінің финалына шығу мүмкіндігіне ие болған еді.
