Кәсіби теннисшілер қауымдастығы (ATP) Индиан-Уэллс турнирінен кейін жаңартылған әлемдік рейтингті жариялады. Тізімде Қазақстан атынан өнер көрсететін бірнеше теннисшінің позициясы өзгерді.
Жаңартылған рейтингтің көш басында испаниялық теннисші Карлос Алькарас орнын сақтап қалды. Екінші орынға турнир жеңімпазы атанған италиялық Янник Синнер көтерілсе үздік үштікті сербиялық тәжірибелі ойыншы Новак Джокович аяқтады. Еске сала кетсек, Indian Wells Open-2026 жүлде қоры 9 415 725 долларды құраса, жеке жеңімпаз 1 151 380 доллар және 1000 рейтингтік ұпай алады.
Қазақстанның бірінші ракеткасы Александр Бублик рейтингте төмендеді. Бұған дейін үздік ондықта болған теннисші қазір 11-орынға түсті. Айта кетейік, Бублик Индиан-Уэллс турнирінде үшінші айналымда 2,5 сағатқа созылған тартысты жарысты аяқтап, австралиялық Ринки Хидзикатаға жол берген болатын.
ATP жаңартылған рейтингінде Қазақстанның тағы екі спортшысы да бар:
ATP рейтингі теннисшілердің әлемдік турнирлердегі нәтижелеріне байланысты үнемі жаңартылып отырады. Бұл рейтинг жеке ойыншылардың күшін ғана емес, бүкіл ерлер турының динамикасын да көрсететін қазіргі теннистегі нәтижелерді бағалаудың ең дәл жүйелерінің бірі болып қала береді. Сарапшылардың пікірінше, алдағы турнирлер қазақстандық спортшылардың рейтингтегі орындарына тағы да әсер етуі мүмкін.
