Елена Рыбакина Уимблдоннан кейін мәлімдеме жасады
Отандасымыз үшінші айналымда Элизе Мертенске есе жіберді.
Қазақстанның үздік теннисшісі Елена Рыбакина Уимблдон-2026 турниріндегі өнерін аяқтағаннан кейін жанкүйерлер мен жарыс ұйымдастырушыларына қатысты жазба жариялады.
"Осы беделді турнирде ойнауға мүмкіндік алған әр жыл үшін ризамын", — деп жазды Елена Рыбакина.
Қазақстандық теннисші турнирді сәтті бастады
Елена Рыбакина Уимблдон-2026 турнирінің бірінші айналымында франциялық Лоис Буассонмен кездесті. Үш сетке созылған тартысты ойында қазақстандық спортшы 6:4, 1:6, 6:3 есебімен жеңіске жетті.
Екінші айналымда Рыбакина америкалық Кэти Макнэллиге қарсы сенімді ойын көрсетті. Бұл кездесуде ол қарсыласын 6:1, 6:2 есебімен жеңіп, үшінші кезеңге өтті.
Үшінші айналымда Елена Рыбакина бельгиялық Элизе Мертенспен ойнады. Бұл матч қазақстандық жанкүйерлер үшін күтпеген нәтижемен аяқталды.
Рыбакина бірінші сетте тай-брейкте есе жіберіп, 6:7 есебімен ұтылды. Екінші сетте Мертенс басымдығын арттырып, 6:1 есебімен жеңіске жетті.
Осылайша қазақстандық спортшы Уимблдон-2026 турниріндегі жолын үшінші айналымда аяқтады.
Уимблдон Рыбакина үшін ерекше турнир
Лондондағы корттар Елена Рыбакина үшін мансабындағы ең маңызды жетістікпен байланысты. Ол 2022 жылы дәл осы Уимблдонда чемпион атанған еді.