Australian Open-2025 чемпионатының ерлер арасындағы жұптық жарыстарының негізгі тізімі белгілі болды. Қазақстанның атынан үш теннисшісі жарысқа барады: Александр Бублик, Александр Шевченко және Александр Недовесов.
“Үлкен дулыға” турнирінде қазақстандық жұп Александр Бублик пен Александр Шевченко өнер көрсетеді. Ал Александр Недовесов нидерландтық Робин Хаасемен бірге ойнайды. Хаасе 2013 жылғы Australian Open турнирінің финалына жеткен.
Қазіргі чемпиондар Рохан Бопанна (Үндістан) мен Мэттью Эбден (Австралия) биыл титулын жұптасып қорғаудан бас тартты. Бопанна Николас Баррьентоспен, ал Эбден бельгиялық Йоран Флигенмен бірге өнер көрсетеді.
Турнир біліктілік кезеңімен қоса 6-26 қаңтар аралығында Мельбурнде өтеді.
