Қазақстандық кәсіби боксшы Балауса Мұздыман (7-0, 5 КО) 6 маусым күні Алматыда өтетін бокс кешінде өнер көрсетеді.
Ресми ақпаратқа сүйенсек, All Stars Boxing промоутерлік компаниясы ұйымдастыратын All Stars Boxing 4 турнирі "Алматы Аренада" өтеді. Балаусаның қарсыласы әзірге жарияланбады.
Айта кетейік, Балауса Мұздыман соңғы жекпе-жегін 5 сәуір күні Астанадағы бокс кешінде өткізген. Ол кезде қазақстандық боксшы Филиппин өкілі Мария Тереза Пинилиді (7-2, 2 КО) төрешілердің бірауыздан қабылданған шешімімен жеңіп шықты.
Жеңісті жолын жалғастырып келе жатқан Балауса Мұздыман BoxRec сайтының жеңіл салмақ рейтингінде тоғызыншы орынға ие.
