Өзбекстанның Чирчик қаласында өткен халықаралық бокс турнирі қазақстандық спортшылар үшін сәтсіз аяқталды. Жарысқа елімізден 22 боксшы қатысқанымен тек төртеуі жүлдегерлер қатарынан көрінді.
Жеңіс тұғырынан көрінуге басты үміт болған екі спортшымыз ақтық сында сүрініп қалды.
48 келіге дейінгі салмақта ел намысын қорғаған Әли Тоқтаров жергілікті боксшы Иброхимжон Рахмонджоновқа жол берсе, 92 келіге дейінгі санатта Батырхан Сеутенов Абдулазиз Абдурахмоновтан ұтылып, күміс медальмен шектелді.
51 келіге дейінгі салмақта Дарын Құлжабаев пен Алмас Хикеник қола медаль еншіледі.
Бұл — жарыстағы жалғыз қуанышты жаңалықтардың бірі.
Жарыс алдында Қазақстан құрамасы мықты нәтиже көрсетуге үміт артқан болатын. Алайда 22 спортшының тек төртеуі медаль алып, қалғандары турнирден жүлдесіз қайтты. Бұл ел құрамасының дайындығына, тактикасына және халықаралық аренадағы бәсекеге қабілеттілігіне қатысты сұрақтар туындатады.
