Қазақстандық бокстың мақтанышы, үш дүркін әлем чемпионы Назым Қызайбайдың жаңа көлігі әлеуметтік желілерде қызу талқылануда. Оның темір тұлпарын ұлттық құраманың тағы бір мүшесі – әлем чемпионы Алуа Балқыбекова өз парақшасында көрсетті.
Жаңартылған автокөлік арнайы бронепленкамен қапталған. Балқыбекованың айтуынша, темір тұлпардың түсі ерекше: хаки мен күлгіннің үйлесімі. Ең қызығы – көліктің мемлекеттік тіркеу нөмірі де ерекше: 001NAZ, бұл Қызайбайдың спорттағы мәртебесін бейнелейтіндей.
"Вааай. Қараңыздаршы мына көлікке. Назым бронепленка жасатыпты. Керемет! Менің сүйікті түсім – хаки мен күлгіннің қосындысы. Құтты болсын!"
Айта кетейік, Назым Қызайбай биыл Сербияның Ниш қаласында өткен әйелдер арасындағы әлем чемпионатында (48 келі салмақта) өзінің үшінші алтын жүлдесін жеңіп алды. Сол турнирде Алуа Балқыбекова да 50 келі салмақта тұңғыш рет әлем чемпионы атанды. Екі чемпион қыздың спорттан тыс өмірдегі стилі мен өзара қолдауы да жанкүйерлер үшін қызық тақырыпқа айналып отыр.
