Будапешт татамиінде қазақстандық спорт жанкүйерлерін сенімсіздікке салған тосын нәтиже тіркелді. Ғалия Тынбаева жарысты алғашқы айналымда-ақ аяқтады.
Әлем чемпионатының алғашқы күнінде татами төріне шыққан Қазақстан құрамасының үздік дзюдошыларының бірі — Ғалия Тынбаева өз салмағы 48 келіде бақ сынады. 25 жастағы алматылық спортшы Нидерланды өкілі Амбер Герджеспен кездескен.
Ғалиядан бойшаң әрі физикалық тұрғыдан басым қарсылас белдесудің алғашқы минутынан бастап қашықтық сақтап, тактикалық артықшылығын пайдалануға тырысты. Екі спортшы да нақты шабуыл ұйымдастыра алмай, екі-екіден "шидо" жазаланды.
Белдесудің аяқталуына небәрі 17 секунд қалғанда, Амбер Галияның тепе-теңдігінің әлсіз тұсын байқап, аяқпен шалып лақтыру (подхват) әдісін сәтті жүзеге асырды. Қазақстандық дзюдошы татамиге "юкоға" құлап, осы әрекет нәтижесінде жеңіліс тапты.
