Психологиялық кедергіні бұзған маңызды жеңіс.
Азия чемпионаты финалындағы ауыр жеңілістен соң Ризабек Айтмұхан қайтадан татамиге көтеріліп, жанкүйерлерін қуантты. 97 кг салмақта белдескен астаналық балуан Яшара Догу, Вехби Емре және Хамит Каплан атындағы беделді турнирде қарсыластарына еш мүмкіндік бермей, финалда Болгария намысын қорғайтын бұрынғы ресейлік Ахмед Магамаевты 7:2 нәтижесімен айқын басымдықпен ұтты.
"Бұл алтын – мен үшін ғана емес, бүкіл команда мен ел үшін жігер беретін нәтиже. Азиядағы сәтсіздіктен кейін өзіме қайта сендім", – деді Айтмұхан белдесу соңында.
Қорытындыда турнирдегі екінші қазақстандық алтынды еншіледі (алғашқысы – 74 кг-дағы Нұрғожа Қайпанов).
