Өзбекстандық Хуморабону Мамаджонова алғашқы жекпе-жегінде жеңіліп, жарысты ерте аяқтады.
Астанада өтіп жатқан бокстан World Boxing Әлем кубогында өзбекстандық спортшы Хуморабону Мамаджонова жарысты ерте аяқтады. Бұл — көрші ел үшін турнирдегі екінші сәтсіздік.
57 келіге дейінгі салмақта сынға түскен Хуморабону Мамаджонова алғашқы кездесуін 1/8 финал кезеңінде өткізді. Ол қарсыласы — Париж Олимпиадасының қола жүлдегері, тайваньдық У Ши Имен қолғап түйістірді.
Кездесу төрешілердің бірауыздан шешімімен У Ши Идің пайдасына аяқталды. Осылайша, тайваньдық боксшы ширек финалға жолдама алды, ал Мамаджонова турнирді ерте аяқтауға мәжбүр болды.
Осылайша Өзбекстан құрамасы Астанадағы Әлем кубогындағы екінші спортшысынан айырылды.
Айта кетейік, дәл осы 57 келі салмақ дәрежесінде Қазақстан әйелдер құрамасының атынан Айдана Забынбекова бақ сынайды. Ол турнирді бірден ширек финалдан бастайды.
