Қазақстандық боксшы Назым Қызайбай World Boxing Cub турнирінде жанкүйерлерді тек жеңісімен емес, сонымен бірге өзгеше қылығымен таң қалдырды. Ол өз жекпе-жектерін сәтті өткізіп қана қоймай, басқа елдің спортшыларына да секундант ретінде көмектесті.
Турнир кезінде түсірілген бейнежазбада Назымның түркиялық Олимпиада чемпионы Бусеназ Сюрменелиге (Tokyo-2020) жан-тәнімен кеңес беріп жатқанын байқауға болады. Қызайбай Бусеназға таза түрік тілінде нұсқау айтып, тактика жөнінде бағыт-бағдар береді.
"Ол түрік тілін менен де жақсы сөйлейді!" — деп қалжыңдады Сюрменели кездесуден соң әлеуметтік желіде.
Нәтижесінде түрік боксшысы Тайвань өкілі Ньень Чинь Ченьді 3:2 есебімен ұтып, келесі кезеңге шықты.
