Виктория Графеева Астанадағы World Boxing кубогының жартылай финалында айқын жеңіске жетті. Ол 60 келі салмақ дәрежесіндегі бұл шайқаста үндістандық Санджу есімді қарсыласын бірауыздан басым түскен шешіммен ұтты.
Виктория бұл жекпе-жекте қарсыласына еш мүмкіндік бермеді. Үш раунд бойы толық басымдық танытқан ол техникалық және тактикалық тұрғыда қарсыласынан бір саты жоғары екенін дәлелдеді. Төрешілер бұл кездесуде бір ауыздан жеңісті қазақстандық спортшыға берді.
Графеева финалға дейін екі мықты қарсыласынан басым түсті. Алдымен жапониялық Аяка Тагутиді, одан кейін түркиялық Гизем Өзерді жарыс жолынан шығарды.
Айта кетейік, Виктория – 2025 жылғы әлем чемпионатының күміс жүлдегері. Астанадағы турнирде оның басты мақсаты – алтын медаль.
