Қазақстандық гүрзі жұдырықты Иван Дычко бір жыл үзілістен кейін рингке оралды. Вашингтондағы кәсіпқой бокс кешінде қарсыласын бірінші раундта-ақ тоқтатты.
АҚШ астанасы Вашингтонда Қазақстанның үздік суперауыр салмақтағы боксшылардың бірі Иван Дычко (15-0, 14 КО) өз шеберлігін тағы бір мәрте дәлелдеді. Ол жергілікті боксшы Сэмюэл Кроссдпен (11-5-1, 7 КО) сегіз раундқа жоспарланған жекпе-жекке шыққанымен бірінші раундта техникалық нокаутпен аяқтады.
Дычко қарсыласын сұлатып түсіріп, төрешілер жекпе-жекті тоқтатуға мәжбүр болды. Бұл оның кәсіпқой бокстағы 15-ші жеңісі, оның ішінде 14-і нокаутпен аяқталған.
Айта кетейік, Иван Дычко осыған дейін әйгілі британдық боксшы Энтони Джошуамен (28-4, 25 КО) спарринг өткізген. Сол жаттығу кезінде Дычко Джошуаны нокдаунға түсіріп, өзінің мықтылығын ертерек танытқан.
