Қазақстандық боксшы Жасұлан Тілеуімбек кәсіби рингтегі тұсаукесерін сәтті өткізді.
20 жастағы қазақстандық боксшы Тараздағы кәсіпқой бокс кешінде шаршы алаңға шықты. Оның қарсыласы өзбекстандық Асадбек Хусанбоев (1-0, 1 КО) болды.
Жекпе-жек жартылай жеңіл салмақта жоспарланған алты раундқа созылуы тиіс еді. Алайда 2-раундта төреші екі рет Хусанбоевқа нокдаун санады. 3-раундта өзбекстандық боксшының бұрышы ақ орамалды рингке тастап, жекпе-жекті тоқтатты. Осылайша жекпе-жек Тілеуімбектің техникалық нокаутпен жеңісімен аяқталды.
