Алматыдағы ASA 192 аралас жекпе-жек кешінің басты жекпе-жегінде қазақстандық файтер Асылжан Бақытжанұлы (16-5-1) ресейлік Евгений Ерохинді (26-11) жеңіп шықты.
Бұл жекпе-жек жартылай ауыр салмақта өтті және толық бес раундқа созылды. Қорытындысында төрешілер бірауыздан жеңісті қазақстандық спортшыға берді.
Екінші раундта Ерохин қазақстандық спортшыны нокдаунға жіберіп, айқастың тағдырын өзгерткендей болған. Бірақ Бақытжанұлы тез қалпына келіп, қарсыласына лайықты қарсылық көрсетті. Жекпе-жек барысында ресейлік спортшының қасынан қатты жарақат ашылғанына қарамастан айқас соңына дейін жалғасты.
Бұл Бақытжанұлының кәсіби мансабындағы 17-ші жеңісі болды. Ал Ерохин үшін бұл – 12-ші жеңіліс.
Басты бәсекеден бөлек, қосалқы жекпе-жекте қазақстандық Артем Резников бразилиялық Рауш Манфионы үшінші раундта техникалық нокаутпен жеңді.
