Қазақстандық файтер Мейірбек «Мори» Төлегенов (6-1) Өскеменде өткен Naiza 77 турнирінде қарсыласын жеңіп, кәсіби мансабындағы кезекті жеңісін тіркеді.
Төлегеновтің қарсыласы тәжірибелі тәжік спортшысы Азизхан Чоршанбиев (10-3) болды. Жекпе-жек ең жеңіл салмақта өтіп, толық үш раундқа созылды. Нәтижесінде төрешілердің бірауыздан шығарған шешімі бойынша жеңіс қазақстандық спортшыға берілді.
Бұл Төлегеновтің кәсіби ММА мансабындағы алтыншы жеңісі болса, Чоршанбиев үшін үшінші жеңіліс болып тіркелді.
Айта кетейік, бұл Төлегеновтің соңғы бір айдағы екінші айқасы. Ол тамыз айында да жеңіске жеткен болатын. Ол кезде қазақстандық спортшы Абдулманап Нурмагомедовты еске алуға арналған турнирде қарсыласын мерзімінен бұрын ұтып шыққан еді.
