UFC президенті Дана Уайт ұйым келесі жылы Ақ үйде өтетін турнирдегі жекпе-жектер бойынша келіссөздерді әлі бастаған жоқ екенін мәлімдеді. Бұл — Конор Макгрегордың өз қатысуына келісімшарт жасалды деген сөзіне қайшы мәлімдеме.
UFC президенті Дана Уайт Конор Макгрегордың келесі жылы Ақ үйде өтетін турнирге қатысуға келісімшарт жасасты деген сөзін теріске шығарды.
Уайттың айтуынша, UFC әзірге бұл іс-шарадағы жекпе-жектер бойынша ешқандай келіссөздер бастаған жоқ.
«Біз әлі ұйымдастырушылық мәселелерді талқылап жатырмыз. Ақ үйдегі турнирдің қалай өтетіні жөнінде келіссөздер жүріп жатыр, бірақ жекпе-жектер туралы әңгіме бола қойған жоқ. Бұл бағыттағы келіссөздер ерте дегенде ақпанда басталады. Конор бұл кардта өнер көрсетуді қатты қалайды, бұл анық, бірақ әзірге шешім қабылданған жоқ. Біз Ақ үйдегі жекпе-жектерге қатысты ешқандай келіссөз жүргізіп жатқан жоқпыз», — деді Дана Уайт Лас-Вегастағы баспасөз мәслихатында.
Бұған дейін Макгрегор октагонға қайта оралу үшін бірқатар күрделі шарттар қойған болатын. Ирландиялық файтер өз қарсыласы ретінде америкалық Майкл Чендлерді атаған. Бұл жекпе-жек өткен жылы өтпей қалған еді.
