Үндістанда World Boxing ұйымдастырған әлем кубогының финалдық кезеңінде Қазақстан және Өзбекстан құрамалары кезекті рет рингте жолықты.
Қарсыласының бойы мен рингтегі тәжірибесінің басымдығына қарамастан Әсел белсенді бокс көрсетті. Ол көп соққы лақтырып, дәл тиіп жатты.
Бірінші раундта Тоқтасын қарсыласын дәл соққымен жыққандай болды. Сотимбоева жерге құлап түсті. Алайда рефери бұл сәтті нокдаун ретінде тіркемеді. Бұл жанкүйерлер арасында үлкен түсінбеушілік пен даудың тууына себеп болды.
Үш раунд қорытындысында қазылар алқасы бір ауыздан жеңісті Сотимбоеваның пайдасына жазды. Осылайша, өзбек боксшысы кемінде «күміс» медальді қамтамасыз етті.
Әсел Тоқтасын турнирді қола жүлдемен түйіндеді.
Еске сала кетейік, Тоқтасын — 2025 жылғы жастар арасындағы Азия чемпионатының күміс жүлдегері.
Олтиной Сотимбоева — биыл Астанада өткен әлем кубогы кезеңінің қола медаль иегері, сондай-ақ Ливерпульдегі әлем чемпионатының ширек финалисі.
