World Boxing ұйымы өткізген әлем кубогының финалдық кезеңіндегі жартылай финалдық сайыстарда қазақстандықтар сәтсіздікке ұшырады.
Жартылай финалда екі қазақстандық боксшы — Санжарәлі Бегалиев (80 кг) пен Даниял Сапарбай (90+ кг) өнер көрсетті.
Бегалиев ағылшындық Оладимеджи Шиттумен қолғап түйістіріп, төрешілердің бір ауыздан шығарған шешімімен жеңіліс тапты.
Ал Сапарбай үндістандық Нарендерге қарсы өткен шиеленісті кездесуде бөлінген шешіммен есе жіберді.
Диана Мағауяева (80 кг) мен Әсел Тоқтасын (80+ кг) да жартылай финалда жеңіліске ұшырады.
Мағауяева польшалық боксшы Агата Качмарскадан айқын басымдықпен ұтылды.
Тоқтасын өзбекстандық Олтина Сотимбоевамен кездесіп, төрешілердің бірауызды шешімімен жеңілді.
Осылайша 18 қараша күні рингке шыққан төрт қазақстандық боксшы да жартылай финалда тоқтап, әлем кубогының қола жүлдегері атанды.
