Дубайда өткен IBA әлем чемпионатында Ресей құрамасының дағыстандық былғары қолғап шеберлері қомақты қаржылай бонусқа ие болады. Жергілікті дереккөздердің хабарлауынша, чемпион атанғандарға IBA тарапынан берілетін сыйақыға қоса, Дағыстан үкіметі дәл сондай көлемде қосымша қолдау көрсетпек.
Ақпаратқа сүйенсек, әлем чемпионатында алтын алған боксшыларға IBA 300 мың доллар көлемінде жүлде тағайындаған. Бұған қоса, Дағыстан билігі өз өңірінен шыққан чемпиондарға дәл сондай 300 мың доллар көлемінде қосымша сыйақы бермек. Осылайша, жүлде қоры екі еселеніп, дағыстандық чемпиондар «қос бонусқа» қол жеткізді.
Дубайдағы әлем біріншілігінде Ресей құрамасы 7 алтын алып, турнирде тарихи көрсеткішке жетті. Сол жеңімпаздардың ішінде үш дағыстандық боксшы бар:
80 кг салмақтағы 1/8 финалда Джамбулат Бижамов қазақстандық Ерасыл Жақпековпен жұдырықтасты. Жекпе-жек барысында Жақпеков қарсыласын нокдаунға түсіргені және жалпы эпизодтарда басымдық байқалғаны туралы пікірлер айтылды. Дегенмен қорытындысында жеңіс ресейлік боксшыға берілді.
Бұл шешім қазақстандық жанкүйерлер арасында қызу талқы тудырып, әлеуметтік желілерде IBA төрешілігіне қатысты наразылық күшейді. Жанкүйерлер тарапы кездесуде әділдік толық сақталмады деп есептейтінін мәлімдеді.
