Бекман Сойлыбаев өзбекстандық жеңілмеген нокаутерді тоқтатты

Қарсылас ауысты

Алматылық кеште Сойлыбаев бастапқыда армениялық Андраник Григорянмен (15-3-1, 4 KO) жұдырықтасуы тиіс болған. Алайда қарсылас ауысып, қазақстандық боксшы жеңіліс көрмеген өзбекстандық нокаутер Абдулло Кучкаровпен (6-0, 5 KO) кездесті.

Екінші жартылай жеңіл салмақта жоспарланған кездесу 10 раундқа есептелді. Бірақ айқас ұзаққа созылмады. Екінші раунд аяқталғаннан кейін Кучкаров жекпе-жекті жалғастырудан бас тартты. Осылайша Бекман Сойлыбаев техникалық нокаутпен (TKO) жеңіске жетті.

Рекорд жаңарды

Осы жеңістен кейін Бекман Сойлыбаев кәсіпқой мансабындағы 21-ші жеңісін тіркеді. Ал Абдулло Кучкаров кәсіби рингтегі алғашқы жеңілісіне ұшырады.

Бекман Сойлыбаев кәсіпқой бокста 2014 жылдан бері өнер көрсетіп келеді.

Ол 2021 жылдан бері жеңілмей келе жатыр.