АҚШ өкілі, палестиналық түбі бар, UFC-дің жартылай орта салмақтағы бұрынғы чемпионы Белал Мухаммад 2026 жылға қойған мақсаттарын әзіл-шыны аралас форматта жазып шықты.
Белал Мухаммад әлеуметтік желідегі X (Twitter) парақшасында келесі жоспарларын айтты. Онда ол үш рет жеңіске жетуді бірнеше мәрте қайталап, басты бағытын аңғартқан:
Осылайша Мухаммад өз жазбасында 2026 жылы кемі үш жеңіс алуды негізгі мақсаттарының бірі ретінде айқын көрсеткен.
Белал Мухаммад соңғы рет UFC Fight Night 264 турнирінде (Доха, Қатар) октагонға шығып, ирландиялық файтер Иэн Гэрриге үш раунд қорытындысы бойынша төрешілердің бірауыздан шешімімен жол берді.
Еске салайық, бұған дейін Белал Мухаммад Шавкат Рахмоновпен жекпе-жек алдында жарақат алып, кейін чемпиондық белбеуді сақтап қала алмады. Ол Джек Делла Маддаленаға қарсы титулдық кездесуде жеңіліп, чемпион атағынан айырылған еді.
